Friday, May 14, 2010

ISANG(DAANG) MALAKING HUH?

Sa wakas! Natapos ko na rin itong side-project ko. Sabi nga nila, tsek dizz awt!

Tungkol sa proyekto:

Kapag nag-uusap ang dalawang tao, malamang may konteksto silang pinagsasaluhan kaya sila nagkakaintindihan, di ba? Kaya naman kapag halimbawa nakiki-epal ka lang at nakikinig sa usapan nang may usapan, minsan may mga pahayag na hindi ka maiintindihan. Minsan, bukod sa hindi mo ito maintindihan, weird lang siya talaga, sobra.

Ang “Isang(daang) Malaking Huh?” ay isang exercise sa pagbibigay ng pahayag na hindi maaari (sige na nga, mahirap) ikahon sa mga pangkaraniwang konteksto. Layunin ng proyekto na makiliti ang utak na mag-isip ng mga konteksto kung saan maaaring magamit ang mga pahayag na nandito. Ikaw, try mo siyang i-use in a situation.

Or, kung gusto mong malaman ang totoo, wala lang akong magawa. Bilang Facebook status messages nagsimula ang mga ‘to. Seryoso naman ‘yung mga nakasulat sa taas. Pero na-cool-an lang talaga ako kaya siya naging ‘proyekto’.

Enjoy!

ISANG(DAANG) MALAKING HUH?

1. bakit ka nakangiti tuwing may humahabol sa 'yo? huh?

2. nakakatuwa kang panooring nagtatago. huh?

3. alam mo, pede naman akong unan e, pero kumot? huh?

4. para kang cornick, at hindi sa magandang paraan. huh?

5. bulong sabay singhot. huh?

6. wag ka magpanic, pupunta lang ako ng cr. huh?

7. halika rito. hindi nga, halika. huh?

8. sige, pero kapag pumikit ka ayawan na. huh?

9. kung hindi mo 'ko mamimis, 'wag kang aalis. huh?

10. ilarawan mo ako sa pamamagitan ng isang halakhak. huh?

11. masaya ka ba o malamig lang talaga? huh?

12. hindi ka kasi puwedeng dumighay nang nakangiti. huh?

13. pano ka napatid nang nakaupo? huh?

14. magtatanggal lang ako ng tsinelas, di mo kailangang pumikit. huh?

15. isang kabig, isang buka. huh?

16. halik sabay hatsing. huh?

17. kung susunod ka, hindi na lang ako aalis. huh?

18. tumalikod ka muna, inaantok ako. huh?

19. bakit ba gusto mo sa ilalim ng kama tayo mag-usap? huh?

20. tagalugin mo na lang: hahalukayin kita. huh?

21. sa lahat ng kasinungalingan, ikaw 'yung pinakamaalat. huh?

22. may pupulutin lang ako, 'wag ka maglalaway. huh?

23. bubuhatin lang kita kung magdadamit ka. huh?

24. kapag sinabi kong ayoko ibig sabihin hindi ako puwede. huh?

25. bakit naman kasi magsisipilyo lang e nagpapabango pa? huh?

26. puwede ba, masakit ang ulo ko ngayon, huwag kang lumunok. huh?

27. alam kong nagugutom ka, pero huwag naman yung hita ko. huh?

28. nagsasabi ako ng totoo, ibaba mo na 'yang nailcutter. huh?

29. lusot na dapat tayo e, kinilig ka lang kasi. huh?

30. hindi kita iiwan, itago mo na 'yang glue. huh?

31. kung gusto mo ng kiss, huwag kang pangawa-ngawa diyan. huh?

32. wait, nagpipiko tayo, ba't mo ko tinataya? huh?

33. magkita naman tayo ng mata sa ilong. huh?

34. ang plano: tatango ako tapos giginawin ka. huh?

35. buhok ba yan o pilikmata? huh?

36. ano ka ba tulog o umaatsing? huh?

37. kapag tinanggal mo 'yung sapatos ko, uuwi na 'ko. huh?

38. huwag mo akong daanin sa pacute, nadadaan ako e. huh?

39. okay lang, tumalon ka, tatalon din ako. e kung lumipad ako, pa'no na? huh?

40. magbibigay ka kasi ng babala bago ka maglugay. huh?

41. sorry, body painting ba? kala ko finger painting. huh?

42. kung nakikita mo 'yung naiisip ko, sisinga ka. huh?

43. bago ka pumikit, puwedeng dumighay ka muna? huh?

44. teka, nakahawak ka pa sa pisngi ko e, huwag ka munang humatsing. huh?

45. sisimulan kita sa tingin at tatapusin sa kunot ng noo. huh?

46. ang plano, hahalikan mo 'yung palad mo tapos aakalain nilang hostage kita, okay? huh?

47. sige, kapag sumilip ka, mapapapikit ka uli. huh?

48. kahit magpalit ka pa ng shampoo, maiisip mo pa rin ako. huh?

49. ang plano, yayakapin kita tapos kikindatan mo siya, okey? huh?

50. kapag nagtatago ako, hindi habulan yung nilalaro natin, ok? huh?

51. huwag ka matakot, hindi pa 'yan 'yun. huh?

52. magkakaalaman 'to kapag nagpikitan na tayo. huh?

53. huwag mo 'kong gayahin, magkaiba 'yung korte ng kuko natin. huh?

54. kapag nabuking tayo, braso lang ipapakita ko a. huh?

55. ilang beses ko bang sasabihin, hindi ako pulbo! huh?

56. o, bakit ka humatsing e nakalabas pa 'yung dila mo? huh?

57. para patas, sa 'kin naman 'yung pisngi mo. huh?

58. kapag nahuli pa kitang nakahawak sa labi mo, magpapalit na 'ko ng pantalon. huh?

59. ayusin mo kasi 'yung pagkakaupo mo para di mo 'ko maisip. huh?

60. ikaw kasi, sabi ko namang mulat muna bago halik e. huh?

61. kung hindi ako titingin, lalapit ka ba? huh?

62. kapag hindi mo tinigil yan kikindat na 'ko. huh?

63. Pahingi ng isang hibla ng buhok, may susukatin lang ako. Huh?

64. kaya kitang pangitiin, bigyan mo lang ako ng baso. huh?

65. kung ayaw mong mabasa, huwag kang haharap. huh?

66. mga tatlong hakbang na lang, mamimiss mo na 'ko. huh?

67. ngiti sabay takip ng tenga. huh?

68. sige, pero kapag nagustuhan mo, tigil na. huh?

69. papunta pa lang ako, pabalik ka na. yan tuloy tinatamad na 'ko. huh?

70. kung lalapit ka na rin lang sa 'kin, itodo mo na. huh?

71. hindi kita matatalo kung mananalo ka. huh?

72. may ibubulong ako sa 'yo pero huwag ka pipikit a. huh?

73. sige, subukan mo. 'wag mo ko sisisihin pag nagustuhan mo. huh?

74. bakit, kung bagay ba tayo e tayo na? huh?

75. hindi naman sa ayaw kita, hindi lang kita gusto. huh?

76. ganito na lang, kapag tulog ka na, saka na lang kita kakausapin. ok ba 'yun? huh?

77. bukas na lang, ayoko ng sarado e. huh?

78. kung matutulog ka rin lang, e di pumikit ka na rin. huh?

79. sige ka, matutulog ako. huh?

80. kung ayaw mong gumising, magpatulog ka! huh?

81. kung alam mo, good. kung hindi, better. huh?

82. pahabaan na lang ng pilikmata. huh?

83. halika nga dito, masakit ulo ko e. huh?

84. ano'ng maganda do'n, e labas 'yung buhok? huh?

85. hindi kita maintindihan, bakit ka nakapikit? huh?

86. sorry na, hindi ko naman alam na may kakambal ka pala e. huh?

87. sige, pagbibigyan kita, sayaw. huh?

88. kung nawawala ka, at wala kang suot, good luck na lang. huh?

89. sa tingin ko, mabango. huh?

90. kapag may isinuksok, may nakabukol. huh?

91. ano ba 'yang kendi mo, lasang asin. huh?

92. ang hindi marunong lumingon sa pinanggalingan, walang leeg. huh?

93. i'm crazy for you. touch me once, twice, and three times too. huh?

94. kung hindi ka lang maganda, inahitan na kita! huh?

95. kapag binato ka ng bato, wala na silang bala. huh?

96. pag hindi mo 'ko tinigilan, matitigilan ako! huh?

97. kung di lang ako gutom malamang kumain na ako. huh?

98. kung ayaw mong magpatulog, matulog ka! huh?

99. ang problema lang naman talaga sa work e 'yung ginagawa mo. huh?

100. lumayas ka na! isama mo na rin ako! huh?

Tuesday, May 4, 2010

Tumitingin-tingin ako sa mga lumang files ko at biglang



Naisip kong gawan na lang siya ng liham, tulad ng dati, kumuha ng papel mula sa kaniyang nowtbuk at isulat doon ang lahat-lahat ng gusto kong sabihin. Ngunit naisip kong hindi na maaaring ganoon. Papunta na kami sa tunay na buhay at pambata na ang pagsusulat ng mga liham, o panteleserye. Parang kotseng nawalan ng preno ang aming pagtanda at naisip kong sana malimot niyang muli ang aking pangalan. Para kausapin niya ako, kahit para lang magtanong, para lang mag-usisa, para lang magpakilala.



Gusto kong makausap ulit 'yung dating ako.